हाल्यान्डको गोलले रोकेन डर्टमुन्डको हार

1 Share

काठमाडौं– च्याम्पियन्स लिगको मंगलबार राति सम्पन्न खेलमा इटालियन क्लब लाजियोले जर्मन क्लब बोरुसिया डर्टमुन्डविरुद्ध सहज जित निकालेको छ।

लाजियोको ओलम्पिकाओ रंगशालामा सम्पन्न खेलमा घरेलु टिमले ३–१ गोलअन्तरको जित निकालेको हो। जितका लागि सिरो इमोवाइल र जिन डानियल एकेप्रोले समान १–१ गोल गरे।

खेलको छैटौं मिनेटमा गोल गर्दै इमोबाइले लाजियोलाई सुरुवाती अग्रता दिलाए। तर २३ औं मिनेटमा डर्टमुन्डका माविन हिट्जले आत्मघाती गोल गरेपछि लाजियो पहिलो हाफमै दुई गोलले अघि रह्यो।

दोस्रो हापको ७६ औं मिनेटमा इर्लिङ ब्रुट हाल्यान्डले गोल गर्दै खेलमा डर्टमुन्डलाई खेलमा फर्काउन चाहे पनि सकेनन्। बरु ७६ औं मिनेटमा एकेप्रोले गोल गर्दै जितलाई ३–१ मा पुर्याए।

जितसहित लाजियो ग्रुप एफको शीर्षस्थानमा छ भने डर्टमुन्ड पुछारमा छ।

मंगलबार राति नै भएको अर्को खेलमा जेन्टविरुद्ध जित निकाल्दै क्लब ब्रुगले पनि तीन अंक जोडेको छ। उसले २–१ गोलको जित निकालेको थियो।

जितसहित ब्रुग अंकतालिकाको दोस्रो स्थानमा छ भने जेन्ट तेस्रो स्थानमा छ।

Share via
Copy link
Powered by Social Snap